Jahon sog‘liqni saqlash tashkiloti hisobotlariga ko‘ra, har 40 soniyada dunyoda bir inson o‘z joniga qasd qiladi. Bu esa ushbu masalaga jiddiy yondashishni talab etadi. Shu sababdan har yili 10-sentabr sanasida dunyoning turli mamlakatlarida Butunjahon o‘z joniga qasd qilishning oldini olish kuni nishonlanadi.
Ushbu kun ilk bor 2003-yilda Jahon sog‘liqni saqlash tashkiloti va Xalqaro o‘z joniga qasd qilishning oldini olish assotsiatsiyasi (IASP) tashabbusi bilan joriy etilgan.
Jahon sog‘liqni saqlash tashkiloti ta’kidlaganidek, ruhiy salomatlik — bu insonning umumiy sog‘lomligi va hayot sifatining ajralmas qismidir. Stress, depressiya, yolg‘izlik yoki ijtimoiy bosim kabi omillar insonning ruhiyatiga ta’sir ko‘rsatadi. Ammo har doim esda tutish kerak — yordam so‘rash zaiflik emas, aksincha kuchning belgisi.
Bugun, 10-sentabr kuni, har birimiz kimnidir qo‘llab-quvvatlashimiz, tinglashimiz va mehr ko‘rsatishimiz mumkin. Balki bir iliq so‘z, bir samimiy suhbat kimningdir hayotini saqlab qoladi.
Unutmang: har bir hayot qadrli, har bir inson muhim.
Butunjahon o‘z joniga qasd qilishning oldini olish kuni — bu hayot, mehr va insoniylik haqida eslatma beruvchi kun.
.jpg)
.jpg)
.jpg)
