"Turkiston jadidlik harakatining asoschisi, atoqli adib va jamoat arbobi, noshir va pedagog Mahmudxo‘ja Behbudiy tavalludining 150 yilligini keng nishonlash to‘g‘risida" Prezident qarori qabul qilindi.
Bu qaror yoshlarimizning maʼnaviy-maʼrifiy salohiyatini oshirishga qaratilgan bir qator tadbirlarni o‘z ichiga oladi.
Qarorga muvofiq, 2025 yil davomida turli vazirliklar va tashkilotlar ishtirokida quyidagi tadbirlar va loyihalar amalga oshiriladi:
🟢Behbudiyning "Tanlangan asarlar" to‘plami chop etiladi, uning hayoti va ijodi haqida yangi ilmiy-ommabop kitoblar nashrga tayyorlanadi.
🟢Mahmudxo‘ja Behbudiy haqida yangi spektakllar sahnalashtiriladi va uning hayoti va faoliyatiga bag‘ishlangan "Xalq yuragi" kabi filmlarning ommaviy namoyishlari tashkil etiladi.
🟢Badiiy akademiyaning Markaziy ko‘rgazmalar zalida Behbudiy va Turkiston jadidchilik harakati namoyandalarining ijodiga bag‘ishlangan tasviriy sanʼat asarlari ko‘rgazmasi tashkil qilinadi.
🟢2025 yil oktyabrda Samarqand davlat universitetida "Mahmudxo‘ja Behbudiy merosi va jadidlik harakatini o‘rganishning dolzarb masalalari" mavzusida xalqaro ilmiy-amaliy konferensiya o‘tkazish rejalashtirilgan.
🟢Umumtaʼlim muassasalari, ijod maktablari o‘quvchilari va talabalar o‘rtasida "Mahmudxo‘ja Behbudiy saboqlari" mavzusida insholar tanlovi o‘tkaziladi.
.jpg)
.jpg)
.jpg)
.jpg)