.jpg)
O‘zbekistonda buyuk shoir va mutafakkir Alisher Navoiyning boy adabiy merosini o‘rganish va keng targ‘ib qilish maqsadida 2025 yilda "Hazrat Navoiyini anglash – o‘zligimizni anglash" mavzusida respublika tanlovi o‘tkaziladi.
"Buyuk shoir va mutafakkir Mir Alisher Navoiy ijodiy merosini yurtimiz va jahon miqyosida keng targ‘ib qilish hamda Navoiy viloyatida “Alisher Navoiy yili”ni yuqori darajada o‘tkazish chora-tadbirlari to‘g‘risida”gi Prezident qarori (PQ-43-son, 07.02.2025 y.) qabul qilindi.
Tanlovning asosiy maqsadi – Alisher Navoiyning asarlarini chuqur o‘rganish, uning yuksak insonparvarlik g‘oyalarini yoshlar ongiga singdirish va milliy o‘zligimizni anglashga hissa qo‘shishdan iborat. Bu tashabbus yosh avlodni buyuk ajdodlarimiz merosiga hurmat ruhida tarbiyalashga xizmat qiladi.
Tanlov doirasida quyidagi tadbirlar o‘tkazilishi rejalashtirilgan:
- "Navoiyxonlik kechalari" – har bir mahalla, maktab, oliygoh va mehnat jamoalarida Alisher Navoiy asarlarini o‘qish va muhokama qilish kechalari tashkil etiladi.
- Ilmiy-amaliy konferensiyalar – Navoiy ijodiy merosini o‘rganishga bag‘ishlangan ilmiy anjumanlar o‘tkaziladi.
- Insholar tanlovi – yoshlar o‘rtasida Navoiy asarlari mavzusida insholar tanlovi tashkil etiladi.
Ushbu tanlov va tadbirlar orqali yoshlar orasida Alisher Navoiy asarlariga qiziqishni oshirish;
milliy qadriyatlar va o‘zlikni anglashga ko‘maklashish; Navoiy merosini keng jamoatchilikka yetkazish maqsad qilingan.
.jpg)
.jpg)
.jpg)
.jpg)
.jpg)
.jpg)