.jpg)
O‘zbekistonda sirtqi taʼlim shakliga qabul to‘xtatiladi
O‘zbekiston Respublikasi Prezidentining 2025 yil 5 maydagi PF-76-sonli “Taʼlim sifatini taʼminlash va taʼlim xizmatlari ko‘rsatish tizimini takomillashtirish bo‘yicha qo‘shimcha chora-tadbirlar to‘g‘risida”gi farmoniga muvofiq, 2025/2026 o‘quv yilidan boshlab mamlakatdagi barcha oliy taʼlim muassasalarida sirtqi taʼlim shakliga talabalar qabul qilish to‘xtatiladi.
Bu qaror taʼlim sifatini oshirish va mutaxassislar tayyorlash jarayonini samarali tashkil etish maqsadida qabul qilindi. Shu bilan birga, sirtqi taʼlim shakli o‘rniga alternativ taʼlim shakllari — masofaviy (onlayn) va optimallashtirilgan kunduzgi (part-time) taʼlim joriy etiladi. Biroq, bu shakllar bo‘yicha qabul qilinuvchi talabalar soni kunduzgi taʼlim shaklidagi talabalar sonining 50 foizidan oshmasligi belgilandi.
Magistratura bosqichida ham alternativ taʼlim shakllari, jumladan, masofaviy taʼlimga ruxsat beriladi. Bu orqali ishlab yurgan mutaxassislar uchun taʼlim olish imkoniyatlari kengaytiriladi.
Shuningdek, oliy taʼlim muassasalarida kredit-modul tizimi asosidagi gibrid kunduzgi taʼlim shakli joriy etiladi. Bu shakl talabalarga ish va o‘qishni bir vaqtda olib borish imkonini beradi.
Taʼlim muassasalarida qabul kvotalariga rioya etmaslik holatlari aniqlansa, ushbu muassasalarning litsenziyalari bekor qilinishi mumkin.
Ushbu o‘zgarishlar orqali O‘zbekistonda taʼlim sifatini oshirish, zamonaviy talablarga javob beradigan mutaxassislar tayyorlash va taʼlim jarayonini samarali tashkil etish maqsad qilingan.
.jpg)
.jpg)
.jpg)
.jpg)
.jpg)
.jpg)
