Milliy Kontent

1336-yilning aynan shu sanasida u Kesh (hozirgi Shahrisabz) yaqinidagi Xo‘ja Ilg‘or qishlog‘ida dunyoga kelgan.

Amir Temur yoshligidan jasurligi va aql-zakovati bilan ajralib turgan. U o‘zining harbiy iste’dodi va strategik tafakkuri bilan qisqa fursatda qudratli davlat barpo etdi. Uning saltanati hozirgi Markaziy Osiyo, Eron, Iroq, Kavkaz, Suriya, Turkiya va Hindistonning katta qismini o‘z ichiga olgan.

Amir Temur nafaqat buyuk sarkarda, balki ilm-fan va madaniyat homiysi sifatida ham tanilgan. Uning hukmronligi davrida Samarqand shahri ilm-fan va madaniyat markaziga aylandi. Sohibqironning me’morchilik sohasidagi ulkan loyihalari, jumladan, Go‘ri Amir maqbarasi, Bibi Xonim masjidi va boshqa inshootlar bugungi kunda ham o‘zining betakrorligi bilan barchani lol qoldiradi.

Amir Temur tomonidan yozilgan "Temur tuzuklari" asari davlat boshqaruvi va harbiy strategiya bo‘yicha muhim manba hisoblanadi. Uning "Kuch adolatda" degan shiori bugungi kunda ham dolzarbligini yo‘qotmagan.

Sohibqiron 1405-yilning fevral oyida Xitoyga yurish chog‘ida O‘tror shahrida vafot etgan. Uning jasadi Samarqanddagi Go‘ri Amir maqbarasiga dafn etilgan.

Amir Temurning boy merosi va jasorati xalqimiz qalbida mangu saqlanadi. Uning hayoti va faoliyati biz uchun ibrat maktabi bo‘lib xizmat qiladi.

Bugun, 9-aprel, buyuk sarkarda va davlat arbobi Sohibqiron Amir Temur tavallud topgan kun

Mavzuga doir

Tezkor xabarlar