Milliy Kontent

2025-yil 31-mart kuni Tojikistonning Xo‘jand shahrida O‘zbekiston Respublikasi Prezidenti Shavkat Mirziyoyev, Tojikiston Respublikasi Prezidenti Imomali Rahmon va Qirg‘iz Respublikasi Prezidenti Sadir Japarov uchrashib, davlat chegaralarining tutash nuqtasi to‘g‘risidagi tarixiy shartnomani imzoladilar.

Uchrashuv avvalida davlat rahbarlari bir-birlarini Ramazon hayiti va Navro‘z bayrami bilan qutlab, xalqlariga tinchlik va farovonlik tiladilar. Prezident Mirziyoyev Tojikiston va Qirg‘iziston tomonlarini barcha masalalarning hal etilgani hamda davlat chegarasini delimitatsiya qilish to‘g‘risidagi shartnomaning imzolangani bilan tabrikladi.

Ushbu hujjat mintaqada barqarorlik va taraqqiyotni ta'minlashga xizmat qiladi. Shuningdek, uch davlat rahbarlari chegara hududida "Do‘stlik stelasi"ni ochdilar, bu uch mamlakat o‘rtasidagi do‘stlik va hamkorlikning yangi ramzi bo‘lib xizmat qiladi.

Prezidentlar savdo-iqtisodiy, madaniy-gumanitar hamkorlikni kengaytirish, chegaraoldi hududlarda bojxona punktlarini modernizatsiya qilish, savdo va logistika infratuzilmasini rivojlantirish masalalarini ham muhokama qildilar. Shuningdek, uch tomonlama savdo maydonchasi va doimiy ko‘rgazma-yarmarka tashkil etish takliflari bildirildi.

Uchrashuv yakunida uch davlat rahbarlari qo‘shma deklaratsiyani qabul qilib, mintaqaviy hamkorlikni yanada rivojlantirishga intilishlarini bildirdilar.

O‘zbekiston, Tojikiston va Qirg‘iziston tarixiy shartnomani imzoladi

Mavzuga doir

Tezkor xabarlar